डिलिव्हरी कशी करतात?

गरोदरपणात होणाऱ्या 'या' गोष्टी असतात नॉर्मल डिलिव्हरीचे संकेत!

हल्ली सिझेरियन डिलिव्हरी होण्याचे प्रमाण जास्त असले तरी प्रत्येक स्त्रीला आपली डिलिव्हरी ही नॉर्मल आणि कोणताही त्रास न होता व्हावी असंच वाटतं. पण डिलिव्हरी सिझरेयनमध्ये होणं किंवा नॉर्मल नक्कीच सोप्पं नसतं. तर मंडळी खाली दिलेल्या काही लक्षणांवरुन तुम्ही हे नक्कीच ओळखू शकता की तुमची डिलिव्हरी नॉर्मल होणार आहे की सिझेरियन!

symptoms of normal delivery during pregnancy in marathi
गरोदरपणात होणाऱ्या 'या' गोष्टी असतात नॉर्मल डिलिव्हरीचे संकेत!



पहिल्यांदा आई बनणाऱ्या गरोदर स्त्रीला सगळ्यात मोठी चिंता असते आपल्या डिलिव्हरीची! आपली डिलिव्हरी कशी होईल? काही समस्या तर येणार नाही या यासारख्या चिंतेमध्ये भर घालतात अनेक गैरसमज! अनेक स्त्रियांच्या कानावर चुकीच्या गोष्टी पडल्याने त्या या गोष्टीचा जास्तच ताण घेतात. अशात स्त्रीने शक्य तितकं शांत राहून आपल्या बाळाची आणि स्वत:ची काळजी घेतली पाहिजे. पण आपली डिलिव्हरी नॉर्मल होईल की नाही हाच विचार करून त्या स्वत:वर ताण ओढवून घेतात. आज आम्ही हीच चिंता कमी करणारा एक विशेष लेख घेऊन आलो आहोत. या लेखात आम्ही तुम्हाला गरोदरपणातील काही अशा गोष्टी सांगणार आहोत ज्या गोष्टी प्रत्यक्ष तुम्हाला संकेत देतात की तुमची डिलिव्हरी नॉर्मल होणार आहे. या गोष्टी तुम्हाला माहित असतील तर तुम्ही सुद्धा चिंतामुक्त राहू शकता. चला तर जाणून घेऊया.

नॉर्मल डिलिव्हरी म्हणजे काय?

नॉर्मल डिलिव्हरी म्हणजे कोणत्याही प्रकारे शरीराच्या अवयवाची चिरफाड न करता बाळ योनीतून बाहेर येणे होय. बाळ जन्माला येण्याचा मुख्य मार्ग या स्त्रीच्या योनितून असतो. ज्या स्त्रीची डिलिव्हरी होताना बाळ योनीमार्गे बाहेर काढले जाते त्या स्त्रीची डिलिव्हरी नॉर्मल झाली असे म्हणतात. खरं तर स्त्रीची डिलिव्हरी ही नॉर्मलच झाली पाहिजे कारण यातून स्त्री लवकर सुस्थितीमध्ये येते आणि शारीरिक त्रासही जास्त होत नाही. डिलिव्हरी कशी करावी हा निर्णय पूर्णपणे डॉक्टर घेतात अर्थातच स्त्रीच्या घरच्यांशी बोलून! जर कोणतीही मेडिकल समस्या नसेल आणि आई व बाळाच्या जीवाला कोणताही धोका निर्माण होणार नसले तर नॉर्मल डिलिव्हरीच केली जाते.


नॉर्मल डिलिव्हरीचे गरोदरपणात संकेत मिळतात का?

अनेकांना ही गोष्ट खोटी वाटते पण अनेक तज्ञांनी आणि संशोधकांनी याला दुजोरा दिला आहे की, गरोदरपणात घडणाऱ्या काही गोष्टी स्त्रीची डिलिव्हरी नॉर्मल होणार याचे संकेत असतात. फक्त ते संकेत ओळखता आले पाहिजेत. पण संकेत दिसले तरी याचा अर्थ हा नाही की निश्चिंत राहावे, उलट अधिक काळजी घेऊन नॉर्मल डिलिव्हरीच होऊ द्यावी. कारण एका चुकीमुळे सुद्धा ऑपरेशन करून डिलिव्हरी करावी लागू शकते. चला तर पाहूया काय आहेत ते संकेत!


नॉर्मल डिलिव्हरीची लक्षणे आणि संकेत

डिलिव्हरी डेटच्या काही आठवड्यांआधी हे बदल दिसून येतात. प्रत्येक स्त्रीची शारीरिक स्थिती वेगळी असल्याने दिसून येणारे संकेत सुद्धा वेगळे असू शकतात. त्यातील काही सामान्य संकेत म्हणजे, बाळ शरीराच्या पेल्विक भागात आल्याने त्याच्या हालचाली कमी होतात रीलेक्सीन हार्मोन पेल्विक भागाच्या सांध्यांना आणि लीगामेंटला शिथिल आणि मऊ करतो ज्यामुळे त्या भागात शिथिलता जाणवू लागते. बाळाच्या डोक्यामुळे मुत्राशयावर दबाव पडतो आणि त्यामुळे वारंवार लघुशंका होते. पाठीच्या खालील भागात सांधे आणि स्नायू ताणले गेल्याने वेदना होतात. डिलिव्हरीसाठी गुद्दद्वाराचे स्नायू शिथिल होऊ लागतात आणि त्यामुळे पातळ विष्ठा बाहेर पडू लागते.


अॅडव्हान्स लेबरचे संकेत

अॅडव्हान्स लेबर म्हणजे वेळेआधी डिलिव्हरी होणे होय. याचे सुद्धा काही संकेत डिलिव्हरीची डेट जवळ आल्यावर मिळू लागतात. पोटात जास्त उष्णता जाणवू लागणे, संकुचन वाढणे, संकुचनामुळे खूप वेदना होणे आणि या वेदना ४० ते ६० सेकंद जाणवणे. पाठीमध्ये सुद्धा खूप ताण वाढून वेदना सुरु होणे. योनीतून रक्त येऊ लागणे यांसारखे संकेत हे अॅडव्हान्स लेबरचे आहेत. अशावेळी स्त्रियांनी थेट डॉक्टरांशी संपर्क साधून गरज असल्यास वेळेआधी डिलिव्हरी करून घ्यावी.


नॉर्मल डिलिव्हरी का गरजेची आहे?

नॉर्मल डिलिव्हरी ही जन्म देण्याची एक सामान्य आणि नैसर्गिक प्रक्रिया आहे. ज्या स्त्रिया स्वस्थ आणि निरोगी असतात त्यांना वेदनाशामक औषधांची सुद्धा गरज भासत नाही आणि अतिशय सामान्यपणे त्यांची डिलिव्हरी होते. तरीही काही डॉक्टर थोड्या बहुत होणाऱ्या वेदनेपासून बचाव म्हणून सी-सेक्‍शनचा सल्ला देतात किंवा प्रसव सुरु करण्यासाठी वेदनेच्या गोळ्या देतात. गरोदर राहिल्यावर स्त्रीने आपली डिलिव्हरी नॉर्मलच होईल याच दृष्टीने सगळी खबरदारी घ्यावी कारण यामुळे आई आणि बाळ दोघेही सुरक्षित आणि निरोगी असतात.